政情：公民講場：新居屋甩皮甩骨 陳帆有冇睇實？

抽中居屋成功置業，對於無殼蝸牛嚟講，應該好似中咗六合彩咁高興，不過近年新落成嘅居屋單位質素參差，收樓嘅時候隨時令業主皺眉，譬如長沙灣嘅凱德苑，就有單位嘅廚廁出現空心瓷磚、熱水爐蓋面又未裝好，石屎地台出現滲水情況。雖則話居屋係按市價打折出售，但係質素都唔應該咁離譜，運輸及房屋局局長陳帆要跟進問題啊！承建商手工唔好，阻礙業主入伙就唔好喇。