政府唔肯推出第3輪保就業計劃，好多中小企都講到明喺聖誕節前後會出現倒閉潮，亦即係會製造失業大軍，好明顯遲啲失業率會再創新高。好多議員尋日喺立法會鬧爆政府冇照顧到市民嘅飯碗，而勞工及福利局局長羅致光仲話疫情未見到終點，難以設立臨時失業援助金。嘩！咁講，即係見死不救啫！若果見到疫情終點，仲使乜問政府攞錢先！IQ高達160嘅羅致光，都唔理得呢番說話自相矛盾，只係識得用嚟推搪。
