中環出更：漏報任兩公司董事 梁振英急補鑊

特首辦原本回覆查詢時，僅指前任行政長官有責任遵照規定向政府作出申報，期間未有明確指出梁有冇就擔任上述兩間公司董事通知政府。而喺尋日嘅補充中，特首辦指梁振英先生尋日已通知政府兩間公司的董事委任，有關登記冊日內會更新。

3年前亦曾被揭未作利益申報

梁振英去年出任兩間擔保公司的董事，包括喺東南亞國家老撾開設華文學校，與老撾一間公司喺當地辦學，據報該幼稚園學費高達每年一萬美元（折合約7.8萬港元）。根據行政署利益申報紀錄，直至上周為止，梁仍未有向政府申報出任該兩間公司嘅董事，被質疑刻意隱瞞。

事實上，梁振英已經唔係第一次被揭發未有作出利益申報，早喺2017年，佢亦曾被揭發未向政府申報出任「一帶一路」同大灣區相關擔保公司嘅董事。

卓妮