政情:公民講場:雙疫夾擊 公院爆煲 高拔陞唔好一碌木

每年踏入流感高峰期,公立醫院必定踢晒腳,今年當然唔例外,呢幾日好多市民去急症室求診,而多間公院內科病床都已經爆煲嘞!查實年年公院都爆煲,醫院管理局事後次次都話吸取教訓,會做好應急措施,但最後都係倒瀉籮蟹,呢啲問題重複又重複,都係未解決,今年就更加棘手,事關係流感同疫情夾擊,公院醫護人手本來已嚴重短缺,依家病床又冇,醫管局行政總裁高拔陞究竟有冇做好應變措施,係咪想睇住市民有病都冇得醫呀?

第一手消息請下載on.cc東網iPhone/iPad/Android/Windows Phone Apps