無廢氣排放嘅電動車，的確可改善路邊空氣質素，有消息指政府打算未來十年廿載禁售燃油車輛，然而要達到呢一個目標，就必須有充足嘅充電設施。不過去到今年9月底，全港只有3,000幾個電動車公共充電器，數量少之餘且分布不均，喺南區嘅政府停車場，電動車公共充電器嘅數量係零！就算停車場設有電動車公共充電器，其泊位亦往往遭燃油車佔據。環境局局長黃錦星若果唔設法解決問題，又點可以令到電動車普及化呢？
