政情:袁國勇憶童年 板間房生活艱苦

皇仁舊生會名譽顧問、香港大學微生物學系傳染病學講座教授袁國勇教授尋日出席皇仁書院網上周年頒獎禮主禮,分享咗童年經歷同喺校園嘅美好時光。

袁國勇直言母校改變佢一生,仲孕育佢成為一名醫生、科學家和教師。佢又話自己童年生活艱苦,同屋企人住喺板間房,衞生環境好差,好彩有一班師長同埋同學,從中學習到團體精神同領導才能,仲思考道德價值,學識思考及追求愛同真理。

佢仲話「皇仁仔」有能力將所有「不同」轉化為新見解、新意念同新力量,以應對生活嘅種種挑戰,又勉勵學生在憂患中要懷着真誠、友愛、好奇同堅毅嘅心。

第一手消息請下載on.cc東網iPhone/iPad/Android/Windows Phone Apps