政情:公民講場:拒撤辣賴買樓難 許正宇歪理連篇

失業人數不斷攀升,需要現金周轉嘅人愈來愈多,但持有物業不足3年嘅業主就會因額外印花稅,對賣樓套現望而卻步。儘管有呼聲要求政府豁免失業業主繳交額外印花稅,但財經事務及庫務局局長許正宇就拒絕「撤辣」,指目前整體樓價仍處於普羅大眾難以負擔嘅水平,擔心需求管理措施一旦放寬,可能被市場趁機炒作喎。其實許所講嘅理由根本就站唔住腳,因為政府推出額外印花稅10年以來,樓價都唔知飆升咗幾多啦!所謂「辣招」只係扭曲市場,而唔會解決房屋短缺嘅問題囉。

第一手消息請下載on.cc東網iPhone/iPad/Android/Windows Phone Apps