政情：公民講場：政府偏幫翹埋手 市民繼續捱貴油

過去一直有唔少團體關注油價加快減慢嘅問題，就連競爭事務委員會亦曾經調查過，但因油公司以商業秘密為由拒絕提供資料，最終都係不得要領。為免市民繼續捱貴油，消委會近日出咗個資訊網站畀市民睇最新油價同有乜優惠，算係有好過冇，但真正幫到嘅係要政府介入，要求油公司減價，但環境局局長黃錦星仍然懶懶閒，踢極都唔郁，令人質疑政府偏幫油公司嚟壓榨市民，黃錦星再係咁翹埋手唔做嘢，市民肯定唔會放過佢。