中環出更:英或撤律師資格 何君堯轟玩政治

規管英國律師事務嘅律師管理局(Solicitors Regulation Authority,SRA),就議員何君堯在一七年嘅集會上話要對港獨人士「殺無赦」言論召開聆訊,調查何專業不當行為,最終可能剔除何嘅註冊律師資格。何君堯對此表示遺憾,轟英國「講一套做一套」,他批評英國玩政治犧牲公義,又話專業資格只係錦上添花。

何君堯認為事件非常可笑,對於英國一個咁莊嚴以及歷史悠久嘅國家,一切講究制度同嚴謹證據,但係竟然處理呢啲無聊瑣碎嘅投訴加害於佢,佢對此表示遺憾。

稱感遺憾 但不介意

佢提及英國保守黨人權委員會委員裴倫德(Luke de Pulford),早前有份令佢喺安格里亞魯斯金大學嘅名譽博士學位被撤銷,形容整個程序喺短短四十八小時內完成,打破世界紀錄,可見政治凌駕一切,批評英國以政治犧牲公義,講一套做一套,損失嘅係英國自己本身。

佢又批評裴倫德「陸地飄忽、叱咤風雲、翻雲覆雨」,隻手遮天利用「國家機器」打擊異己。佢話將會出席網上聆訊,並已提交抗辯書,專家證人亦喺度籌備緊,據理力爭。

佢又話,若被剔除律師資格會感遺憾,但亦唔會太介意,又話專業資格對佢嚟講只係錦上添花,花謝就換一朵。

卓妮

第一手消息請下載on.cc東網iPhone/iPad/Android/Windows Phone Apps