政情：曾遭黑暴摧毀 立會通道設電子鎖

有證件才可出入

喺大樓被大肆破壞後，再加埋有議員喺會議室內掟「臭彈」，立法會行政管理委員會就決定加強保安措施，包括喺大樓外增設圍欄、並將會增設閘機，不過工程就仍未開始。至於啱啱新增嘅電子保安鎖，任何人都需要用立法會秘書處所發出嘅證件先至可以開門出入。

電子保安鎖加設嘅位置，係傳媒經常通往會議廳嘅一段通道，過往都唔需要用證件出入，而傳媒亦一直唔知情，直至上周翻新工程完成後重新開放先發現。立法會秘書處就指增設嘅保安措施，係經過保安顧問全面檢討，以及方便進出大樓及人流管理而作出，至於有關工程同費用，就由建築署負責。