港人安居不易，基層要置業就更係難若登天，因此坊間早有呼聲，要求政府重推已擱置十多年嘅租者置其屋計劃。運輸及房屋局局長陳帆尋日發表網誌，表明無意再推租置計劃，理由係容許公屋單位轉租為售的話，會導致公屋供應減少或萎縮，結果只會令公屋申請者嘅輪候時間愈來愈長咁話。對於好多公屋租戶而言，陳帆今次嘅決定只會令佢哋嘅置業夢想更加遙遠。政府與其等公屋租戶搬走以騰空單位，倒不如諗吓有咩方法增加公屋供應量仲好啦！
