政情:公民講場:燒味店釘牌照經營 食環署鼠過興兵

確保市面出售嘅食品衞生同安全,係食物環境衞生署嘅職責。深水埗一間曾多次傳出鼠患,短短半年內就遭到法庭定罪七次嘅燒味飯店,喺上個月尾被吊銷牌照後,本來就唔應該繼續營業,然而食環署辦事不力,竟然任由該店打開門做生意。直至本報日前揭發,食環署先至派員到場視察,不過呢間燒味飯店已經自行閂門落閘。食環署行動咁慢同咁被動,若果有不知情嘅街坊食咗問題食品之後不幸出事,食環署署長劉利群係咪要負上責任呢?

第一手消息請下載on.cc東網iPhone/iPad/Android/Windows Phone Apps