政情:郭家麒涉發文辱警 市民斥「失德失格」

本身係醫生嘅公民黨議員郭家麒,被指於本月一日喺社交網站發文侮辱警察,近日多個團體先後發起示威,抗議郭嘅言論。有市民尋日下晝到郭位於葵涌葵芳邨嘅地區辦事處外快閃抗議,批評郭有關言論「失德失格」。

辦事處外快閃示威

郭家麒日前在社交網站發文,批評警察是「一堆綠色物體,甘作為殘暴政權的走狗」,惹起爭議。四名北區居民昨午到郭嘅辦事處外快閃示威,佢哋拉起橫額,並數度高呼「強烈譴責郭家麒,侮辱警察,失德失格」嘅口號,以表不滿同抗議。

有集會人士批評郭作為醫生,應該有崇高嘅專業身份同資格,不應如此公然侮辱警察。整個示威行動歷時約一分鐘,四人其後和平散去;而郭嘅辦事處尋日下晝並無開放。

第一手消息請下載on.cc東網iPhone/iPad/Android/Windows Phone Apps