快意當前，全天候廿四小時貼身陪伴你，一秒通全球嘅東方報業集團網站《on.cc東網》又獻新猷益知音遍天下嘅粉絲喇！今次嘅體驗絕對有驚喜，正所謂「人欲活潑其心，先宜活潑其眼」！東網就係要畀「新睇驗」大家。
即係咁，我哋雙眼所見到嘅嘢，本來就會影響心情，如果要心情變得輕鬆同埋活潑，就要先用充滿新鮮、活力嘅事物、凌厲嘅影像和生鬼多姿嘅主持，來愉悅自己嘅雙眼。本報關心社會關心時事，更關心每個讀者嘅貼心感受，是以《東方日報》及《on.cc東網》一直緊追時代，與世界接軌，深明科技日新月異，要令讀者一看難忘更難抗拒，必定要經常推陳出新，令讀者一機在手都嗌住：愛上《on.cc東網》！
各位粉絲，今趟《東方日報》增強二維碼（QR Code）功能。讀者只要用手機嘅內置相機掃描QR Code，「一掃」就立即連接東網，收睇更詳細嘅內容、更精彩嘅短片，sharp 醒影像，一片勝千言！最盞鬼就係原汁原味嘅實體報、流麗活潑嘅網頁版「一鍵切換」，簡單一掃，讀者就會霎時間開竅，深明何謂「心機震撼之後，靈機逼極而通」，要言之，令你盡享前所未有嘅閱報新感受！功夫茶一掃接通東網，但覺風顛月癡，水走山飛，一個字：爽！
嗱！講到最新「睇驗」，功夫茶推介《東方日報》精選部分報道加有「睇片」QR Code，無論新聞時事、兩岸國際，只要輕輕一「嘟」，原汁原味嘅新聞片立刻眼前來！仲有體育直播、娛樂消閒，都係「掃一掃」熱爆影片隨即到，快意當前，無過此者。依家人人關心疫情，話畀大家知東網嘅《香港疫慌》，有關即日最新消息、疫情動向，又係掃一掃描新聞內嘅QR Code，即可連接《香港疫慌》專輯，確診數字、防疫規例、專家意見，全部話你知，足不出戶，疫情盡在掌握中，東網真係幫到大家！
有麝自然香，東網照顧到大家每日都需要嘅資訊、娛樂、消閒、市場動向等，鍾意刨星相運程嘅讀者要留意喇！版面將加入星座命理、生肖宜忌，一嘟QR Code立即進入東網《繽FUN星網》，令你盡覽星相資訊，助你趨吉避凶，正到呢！仲有贏盡口碑嘅投資神器《東網Money18》又係一掃即接通，即時股價、外匯、黃金價，配合走勢圖表、即時財經新聞、股票推介，助你洞悉先機，無往不利，不在話下。
好嘢太多一時三刻講唔晒，大家快來活潑雙眼自己睇驗啦！只要開啟智能手機內置相機功能，將鏡頭對準QR Code，手機便會自動掃描，彈出連接網頁嘅視窗，五秒內你就即刻享受全新「睇」驗，每個感官細胞都嗌爽！爽！爽吖！