政情:公民講場:私營安老院立立亂 長者受難社署扮盲

私營安老院不時被揭發服務惡劣,近日又有私營安老院爆發派錯藥事件,有院友因誤服冇獲處方嘅糖尿藥物而搞到要送院,至今兩個月仍昏迷不醒。其實涉事安老院過去都有唔少問題,例如上年有鼠患問題,幾個月前仲遺失部分院友嘅身份證添!唔少院友家屬質疑涉事院舍行政混亂,但發生咗咁多事,社會福利署都只係向院舍發警告信了事,咁咪等於無王管,社署署長梁松泰監管不力,令長者受折磨,簡直係不負責任。

第一手消息請下載on.cc東網iPhone/iPad/Android/Windows Phone Apps