政情:公民講場:網上考試屢爆出貓 公大應叫通水大學?

無論古今中外,考試作弊都被視作不道德行為。而香港公開大學,近來就連番爆出有個別學生於網上考試期間,透過手機通訊群組互相「通水」,據聞牽涉作弊嘅學生竟逾廿人。其實網上授課同考試係疫情下嘅學界新現象,但由於缺乏校內監考,好容易出現作弊嘅機會,因此好多院校舉行網上考試前,都會設法堵塞漏洞以免對誠實嘅考生構成不公。雖然公開大學強調會嚴肅跟進及處理作弊事件,不過作為校長嘅黃玉山都一定要預防事件再次發生,否則現時徵求新校名嘅公開大學,遭外界譏為通水大學,咁就冇癮啦。

第一手消息請下載on.cc東網iPhone/iPad/Android/Windows Phone Apps