政情:港台節目立場偏頗 何君堯倡與新聞處合併

香港電台劣迹斑斑,唔少節目被批評立場偏頗,適逢《施政報告》下月出爐,有議員趁住提交意見嘅機會,建議政府應該要改革,將政府新聞處同香港電台合併,以支援政府工作。

助整合對外渠道

提出建議嘅議員何君堯話,依家政府新聞處同埋香港電台係分屬唔同部門,認為政府冇整合好新聞資源同埋對外渠道,覺得有需要作出整合,所以建議合併。

對於選舉管理委員會未有接納建制派建議,為長者、孕婦同埋肢體傷殘人士設立優先投票嘅「關愛隊」,何君堯認為依家立法會延任一年,有時間進行改革,仲建議增設電子票。

另外新冠肺炎疫情令全港經濟受影響,何君堯建議,政府應容許市民提取部分強積金供款,以及活化現行制度,讓年輕人以強積金供款購買醫療保險;又建議有必要擴闊現有稅基,包括考慮重置遺產稅、設立資產增值稅同埋商品同服務稅。

第一手消息請下載on.cc東網iPhone/iPad/Android/Windows Phone Apps