中環出更：隔空傳播正能量 江旻憓宅在家修心
雖為避疫而深居簡出，但網絡上一個小舉動，就可以隔空同好友互相砥礪。香港重劍一姐、香港女子劍擊運動員江旻憓（Vivian）近日就喺社交網站，上載手持一幅雙手合十並寫上「戴口罩，勤洗手」嘅圖案照片，仲留言話修心係一個Stay Strong嘅好方法添！
其實Vivian係響應一個源於南韓，名為Stay Strong Campaign嘅網絡運動。佢喺早前收到賽馬會公司事務執行總監、政制及內地事務局前局長譚志源嘅邀請，接力將呼籲大家保持堅強嘅訊息流傳開去。雖然疫情嚴峻，但只要跟足指引，Vivian認為唔使太擔心，並為大家抄寫《藥師灌頂真言》，有助眾病消除、身心安樂咁話。佢同場加插手繪瑜伽嘅各種動作，似乎佢就算宅在家，都會勤加鍛煉以保持身體嘅柔軟度。
陳岳鵬多咗時間落街練跑
政制及內地事務局前副局長陳岳鵬（Ronald）就喺雙手合十嘅圖案下方寫上「We Will Win！」睇嚟佢對抗疫嘅前景好有信心。Ronald依家係賽馬會行政經理，原定嘅出差工作都因疫情而告吹。不過以樂觀嘅一面去睇，佢話留喺香港居家工作並非壞事，因為免除往返辦公室，省下來嘅搭車時間就可以落街練跑。佢話依家戴住口罩嚟練跑的確唔係咁舒服，但幸好佢買咗個口罩托架，用落覺得呼吸較暢順之餘，侷促感亦大減。有賴恒常嘅帶氧運動，佢話身體嘅脂肪比率有所下降，成個人都紮實咗。
政制及內地事務局前副局長陳岳鵬（Ronald）就喺雙手合十嘅圖案下方寫上「We Will Win！」睇嚟佢對抗疫嘅前景好有信心。Ronald依家係賽馬會行政經理，原定嘅出差工作都因疫情而告吹。不過以樂觀嘅一面去睇，佢話留喺香港居家工作並非壞事，因為免除往返辦公室，省下來嘅搭車時間就可以落街練跑。佢話依家戴住口罩嚟練跑的確唔係咁舒服，但幸好佢買咗個口罩托架，用落覺得呼吸較暢順之餘，侷促感亦大減。有賴恒常嘅帶氧運動，佢話身體嘅脂肪比率有所下降，成個人都紮實咗。
參加呢個運動嘅仲有中西區區議員楊哲安（Jeremy），佢話區議員嘅工作難以居家進行，但由於好多街坊都避免面談，結果都係透過電話或網絡嚟遙距溝通。講起遙距，因應新學年開課將以網上教學方式進行，Jeremy於是調動家中布局，將四位千金嘅兩間睡房，改為四人共用一間寢室，騰出嘅房間就供遙距上課之用。佢話四人嘅枱櫈放埋一齊，望落就好似一個小型班房。
卓妮