政情:公民講場:市民前路難行 政府仲歎慢板

受到反修例風波同疫情嘅打擊,重創本港經濟,好多商舖執笠,失業率不斷飆升,近日有調查發現受訪市民個人收入減少,對個人財務前景感到憂慮。話時話,政府早前推出兩輪防疫抗疫基金,根本力度唔夠,依家爆第三波疫情,好多商舖都捱唔住,打工仔飯碗不保,市民收到政府嗰一萬蚊都頂唔到幾耐,商務及經濟發展局局長邱騰華唔好扮睇唔到中小企同市民嘅慘況,再歎慢板嘅話,只會民憤沖天,到時唔知點收科?

第一手消息請下載on.cc東網iPhone/iPad/Android/Windows Phone Apps