本港鼠患問題一向嚴重，而滅鼠工作就自然係食物環境衞生署（食環署）嘅頭等大事，但可惜一直都辦事不力，好多區都鼠患嚴重，但依家食環署唔單止滅鼠搞唔掂，就連滅鼠宣傳都搞唔掂呀！事關食環署人員日前聯同九龍城區議員，喺區內向街坊派發毛巾，宣傳防鼠嘅重要性，但部分標語就錯得離譜，寫住「防鼠工作做得好 鼠患問題自然有」，市民見到都嚇一嚇，防鼠竟然愈防愈有，咁都錯得，睇嚟署長劉利群真係要去驗吓眼，但希望唔好愈驗愈盲啦！
