中環出更：開會叫囂 林卓廷無視警告被逐

撐譚文豪 與郭偉强爆罵戰

林卓廷之所以叫囂，緣於議員譚文豪一項遭委員會主席郭偉强否決嘅動議。據譚提出嘅動議指出，警隊作為特區紀律部隊之首，忠誠勇毅、愛國愛港，理應以身作則，為其他公務員樹立榜樣，在宣誓或簽署文件確立擁護《基本法》及效忠香港特區時，放棄其外國居留權及持有之外國護照，包括但不限於英國國民海外護照（BNO），以彰顯警隊無私無畏嘅愛國情懷。

不過郭偉强就認為涉及紀律部隊嘅內容，應放喺保安事務委員會討論。郭強調，唔會容許議員喺任何事務委員會提出批評警隊嘅臨時動議議程，由於已酌情容許譚讀出動議，故不會再畀譚發言嘅機會。郭嘅言論引發林卓廷嘩然，繼而再爆發林、譚與郭三人嘅罵戰。期間譚文豪直斥郭係「暴力强」，又指郭「包庇警隊」，林則在座位上大呼「規程問題」、「郭偉强」、「你係咪傻o架」等說話，最後郭指唔容許議員喺座位上叫囂，否則會作出警告，惟林沒有理會，最終喺三次警告無效下，郭將林卓廷逐出會議室。

卓妮