根據環保署公布嘅最新數字，香港前年嘅人均溫室氣體排放量，較六年前嘅高峰值相比，低咗好多。不過一講到排放總量，就呈按年增加之勢。兩組數字之所以唔脗合，除咗香港人口有所增長、發電仍然係本地溫室氣體嘅主要排放源外，另一理由就係廢棄量創三十年新高，海量嘅廢棄物喺堆填區內，所產生嘅沼氣同釋出嘅二氧化碳都倍增，嚴重損害環境。換句話講，個人層面嘅減排措施，都會被拙劣嘅減廢政策所抵銷。環境局局長黃錦星真係要諗吓源頭減廢嘅策略，唔好再自詡家居電費創新低咁細眉細眼喇。
