經過海洋公園要政府注資救亡一役後，另一個主題公園迪士尼樂園嘅經營情況都備受關注，樂園話一直謹慎管理成本同現金流，而商務及經濟發展局局長邱騰華就話會密切同迪士尼樂園審視營運，園方同政府都會特別注意開支管理。老實講，海洋公園幾年前已出現財赤，但政府當睇唔見，到咗爆煲就急急撲水，邱騰華依家先嚟緊張，話會睇緊迪士尼嘅營運情況，根本就係後知後覺喇！
