家明同國強都是戶外清潔工人，今天被委派到郊野公園做清潔。國強問家明：「我哋今日去公園做嘢，你仲着短衫短褲？噴咗驅蚊劑未？」家明回答：「我不嬲唔惹蚊，就算畀蚊咬兩啖都唔怕嘅。」
國強說：「你咁嘅想法就錯了，香港落雨同潮濕嘅環境，蚊子容易孳生。我哋戶外工作時很容易就會被蚊叮到，唔單止又癢又痛，蚊仲係好多傳染病的傳播媒介，例如登革熱、日本腦炎及瘧疾。唔係想嚇你，早前已經有新聞話，香港四月份已出現本地登革熱感染個案啦。」家明開始擔心：「咁我哋應該點做呀？」
國強表示：「我地喺戶外開工時應穿着寬鬆、淺色嘅長袖衫及長褲，可以把褲腳塞進襪子或長靴裏面。戶外工作時避免使用有香味嘅化妝品或護膚品。仲有，外露嘅皮膚或衣物應塗上含避蚊胺成分嘅驅蚊劑，並依照使用說明重複塗上。而且，戶外工作還要做好防曬措施，一定要記得先塗上防曬用品，再塗驅蚊劑。」家明點頭：「明白！」
國強再說：「唔好話我唔教你，要有效防止蚊患，一大措施是消除一切積水源頭，包括要有效清除地面上積水，仲要經常清理排水渠，以防淤塞；有機會儲水嘅容器，都要遮蓋好；將用完嘅罐及瓶放進有蓋垃圾桶內。無可避免會積水嘅地方，就要用蚊油或蚊沙等，將蚊嘅幼蟲殺死。」
職業安全健康局
www.oshc.org.hk