旺角商舖生意慘淡 店員：考慮轉行學剪髮
【本報訊】本地零售業受社會事件及新冠肺炎夾擊，政府昨公布今年四月的零售業總銷貨價值的臨時估計為二百四十一億元，較去年同月下跌三成六，有零售業學會預計五月及六月的零售市道不會出現大幅改善。旺角現時多條街道、潮流熱店變得門可羅雀，有店員更透露生意大減下，有意轉行他投，往日遊人如鯽的旺角只見日落餘暉。
轟政府「所有救市措施冇用」
在花園街售賣運動鞋的店員Kenny表示，去年未發生反修例示威等事件之前，該處是遊客來港必逛景點之一，每日前來行街的人潮擠擁至水洩不通，他無奈地說：「上年我哋閒閒哋每日都做四、五萬蚊生意，今年差到好景嗰日先做得個三、四千，有時成日先賣出一對幾百蚊嘅鞋，你自己計跌咗幾多，主要係內地人同遊客落嚟買嘢，香港人個個都上網買啦，點會落嚟同你逼。」
Kenny又稱，上年有藥房見旺角市道好不斷開業，結果如雨後春筍一樣開遍四周，連花園街亦有藥房花二百多萬元月租，租了一間不是太大的運動用品舖準備大展拳腳，豈料好景不常。今年初開門做生意遇上「咁嘅環境」，根本沒有人光顧，結果開業個多月便關門大吉，現改成一間短期散貨場。他又指，整個旺角的藥房都生意慘淡，近期已有逾十間結業。他批評港府胡亂花錢做一些大白象工程，直言：「嘥錢做埋啲垃圾工程、冇人要嘅口罩！」連政府官員都寧願用即棄口罩，浪費公帑。他又批評政府「所有用來救市嘅措施都冇用」，正考慮趁年輕轉行去學剪髮，起碼有一門手藝傍身。