政情;公民講場:派一萬蚊歎慢板 刺激消費倍艱難

受到反修例嘅連串激烈衝突同疫情嘅打擊,重創本地經濟,各行各業同打工仔嘅飯碗都受到好大影響,仲邊有餘錢同心情消費吖!尋日就有一個調查結果顯示,受訪市民嘅收入明顯減少,消費意欲下降,有錢都儲起先。話時話,財經事務及庫務局局長許正宇仲未講實幾時派一萬蚊,呢筆錢落唔到市民袋就更加唔會消費,再加上社會衝突又再死灰復燃,政府再遲啲先派錢,根本刺激唔到經濟,只會睇住更多舖頭同食肆執笠。

第一手消息請下載on.cc東網iPhone/iPad/Android/Windows Phone Apps