政情：范鴻齡接任西九基金會主席 遲7日始公布

任期唔夠半年

話說唐英年已經喺今年五月二十二日卸任西九基金會董事局主席一職，而范亦早於上周六接替主席職務，任期仲要唔夠半年，只係去到今年十一月十五日就完。

翻查資料，唐舊年十月一日先獲續任兩年主席任期，理應到二○二一年十月一日先任滿，而接任嘅范嘅任期亦未有涵蓋唐餘下嘅任期，而當局亦未有喺新聞稿內交代原因，令呢次人事變動增添撲朔迷離嘅色彩。

最奇怪嘅係，人事變動經常都有，以往都會提早或者即日公布，點解管理局今次要遲成七日先公布呢？確實令人費解。