【本報訊】小宜和安仔是兩姐弟，早前因為疫情的關係都在家工作，最近復工，兩人週末都多留在家中。小宜問弟弟︰「安仔，你唔可以成日坐喺度打機、郁都唔郁o架，個身仲越來越圓添。」安仔回答︰「要保持社交距離呀，想出去做運動都唔得。」小宜解釋︰「好多運動場同康樂設施都已陸續重開，唔好咁懶啦！就算你唔做運動都可以做吓其他體能活動o架。」
安仔問︰「體能活動同運動有咩唔同？」小宜說︰「『運動』其實係其中一種體能活動。體能活動係指任何由骨骼肌所產生而增加能量消耗至高於基本水平嘅身體活動，大致可劃分為兩大類，第一類係『運動』，即涉及有系統同重複性嘅身體活動；另一類係『非運動性體能活動』，例如站立、往返唔同嘅地點、做家務或工作等。」
安仔說︰「咁即係平時返工，都係做緊『非運動性體能活動』喎。」小宜回答︰「其實都係o架，不過『運動』同『非運動性體能活動』亦可再按其劇烈程度分為低等、中等和劇烈強度。」安仔問︰「係點呢﹖有無例子呀？」
小宜解答︰「劇烈強度嘅體能活動，好似緩步跑、同小孩或狗玩追逐遊戲咁，都較中等強度嘅體能活動，例如快步行、行樓梯等，能為生理健康帶來更大益處；而低等強度的體能活動，好似散步、站立等，都好過你依家咁郁都唔郁囉。即使每天只進行30分鐘的運動，對健康都有莫大裨益。如有需要更可分為三次，每次進行10分鐘。如果你的體能可以應付更多的體能活動，可考慮逐漸增加體能活動的時間，不如過來幫手洗咗啲碗碟熱吓身啦！」
職業安全健康局
www.oshc.org.hk