政情：公民講場：檢視通識科 冇得再拖 楊潤雄要交功課

社會上有聲音批評通識科有問題，甚至係教壞學生，強烈要求政府檢視，以及唔好再將通修科作為中學主修科，但係教育局局長楊潤雄一味拖，而有政府高層尋日講到明，今年內會向公眾清楚交代點樣處理通識科問題，即係話楊潤雄避無可避嘞！話時話，通識科係一個好爭議嘅項目，無論政府最後有乜嘢動作，都會惹起外間好大嘅回響，政府講到話教育需要把關，唔可以係「冇掩雞籠」，唔該楊潤雄要有勇氣去承擔，唔好再閃閃縮縮。