政情：報告用錯舊字眼 梁美芬急澄清
好多議員每年都會撰寫周年工作報告，主要讓市民知道議員過去一年的工作及政績等。不過，經民聯議員梁美芬的工作報告就將新冠肺炎寫作「武漢肺炎」，於是被指「用錯字眼」，仲被反對派在網上瘋傳及質疑，掀起風波，梁就急急澄清，強調工作報告早已更新。
有民主派議員在社交平台貼文，指梁美芬原來都堅持講「武漢肺炎」，工作報告用嘅仲要係立法會資源添。事件導致相關圖片在網上瘋傳，究竟點解會咁呢？
指當時未正式命名「新冠」
梁美芬在社交平台澄清，話工作報告喺今年一月底至二月初編寫同印刷嘅，當時世界衞生組織尚未對新冠肺炎作正式命名。自從世衞喺二月十一日將病毒命名後，佢已即時將工作報告嘅網上版本更新，而新一批印刷版亦都已經講明有關字眼更正為「新冠肺炎」。