政情：八網難逃：響應捐罩 楊全盛變身包裝工友

口罩係時下港人必備之物，香港資訊科技聯會副會長楊全盛（Eric），尋日除咗戴口罩，就連頭髮都笠到實，雙手仲戴埋手套，儼如包裝工友嘅裝扮，到底佢想搞邊科呢？原來Eric所屬嘅香港資訊科技聯會正響應一個抗疫活動，捐贈一萬五千個口罩予九龍樂善堂，然後分發畀基層人士。尋日朝早佢就聯同會長邱達根、理事李煥明等人，將三百盒口罩分拆包裝為十個一份。為咗確保衞生，包裝前除咗雙手要消毒，亦要避免掉頭髮。而今日包裝好嘅口罩，將於今個月尾轉贈至受惠人士手上。