醫健:職場健康:不識抬舉勿逞強 切忌彎腰免受傷

各行各業的員工都有提舉及搬運物件的機會。由「提舉或搬運物件時受傷」引致的職業傷亡個案,每年平均近六千八百宗,約佔整體數字的五分一。除了受傷風險最高的腰背外,其他容易受傷的部位就有頭、手、腳等。這說明「不識抬舉」就好容易周身傷,但怎樣抬舉先唔容易受傷?

腰要挺直 大髀用力

阿杰認叻說:「我腳瓜粗,臂彎強。搬乜都無有怕啦!」家明就話:「這確係普遍嘅睇法。要明白西洋俗語『鐵鏈的強度由最弱的環節所定』嘅道理!根據槓桿原理,以彎腰嘅姿勢搬運,物件加以上身嘅重量會使腰椎受壓,最終成為身體各部分涉及搬運動作嘅弱點。」阿杰說:「正確嘅搬運就係切勿彎腰?」家明解釋:「啱,不彎腰,不扭腰,不過分向前及向左右伸展身體。用最粗大嘅肌肉提舉,即係大髀肌肉發力,就最醒目喇!」

學單膝跪地抱幼兒

阿杰問:「如果要處理嘅係嬰孩或寵物又點辦?我表哥就經常喺屋企地板抱起十個月大嘅幼兒,結果整傷咗條腰。」家明答:「除咗常見嘅『蹲低提舉法』,仲有好多方法可以選擇。提舉幼兒就可以用『單膝跪提舉法』。」所謂『單膝跪提舉法』,就係先以單膝跪地,將處於地板嘅幼兒靠喺跪住嘅腿上。再將幼兒向上滑到跪住嘅腿上,稍後將幼兒滑到另一條腿上,同時使幼兒靠近身體。企起身時,務必將幼兒靠近自己身體,咁樣單膝跪提舉法既聰明又安全。」

職業安全健康局

www.oshc.org.hk

第一手消息請下載on.cc東網iPhone/iPad/Android/Windows Phone Apps