政情：區會新丁涉衝紅燈 李軒朗：我冇回應
新一屆區議會已經開始咗差唔多成個月，唔少新區議員履行職責，出席會議同會見市民等等，但工作幾忙都好，都唔可以忘記市民應有嘅本分。日前有讀者揭發九龍城區議員李軒朗喺紅磡亂過馬路，我哋向李軒朗查詢，對方竟然話：「我冇回應」，跟住好快就掛斷電話。
帶頭做壞榜樣
根據讀者提供嘅圖片，李軒朗當日拎住外賣飯盒，喺崇安街過斑馬線嗰時衝紅燈，亂過馬路，涉嫌違反《道路交通（交通管制）規例》。眾所周知，亂過馬路就係違例，無理由身為區議員嘅李軒朗會唔知，正所謂：「其身不正，雖令不從。」作為民意授權嘅代表，帶頭做壞榜樣，真係「反面教材」。
正所謂「馬路如虎口」，亂過馬路不但構成危險，亦都會影響自身安全，呢樣嘢連小朋友都識，做得區議員，李軒朗就應該更加要謹言慎行。