政情：公民講場：忘記沙士慘痛教訓 陳肇始乜都慢過人

武漢肺炎嘅懷疑個案愈爆愈多，外界狂轟港府後知後覺，同埋忘記咗沙士嘅痛苦經歷，就連冇爆發過沙士嘅澳門都做得快過香港，真係羞家，亦有專家更直指港府應對落後於形勢，防疫宣傳嚴重不足，若一旦疫症大爆發，其他措施竟然毫無準備。老實講，食物及衞生局局長陳肇始反應好慢，喺外界猛烈批評後，先話上高鐵幫嚟自武漢嘅乘客度體溫，防疫措施慢九拍，靠佢真係唔得掂，市民不如自救好過。