政情：八網難逃：梁栢賢梁智仁笑住重聚
有人話不是冤家不聚頭，但點睇梁智仁同梁栢賢（PY）都唔似係冤家，事關佢哋曾經係好拍檔。PY早前喺Facebook上載咗張相，就係佢同梁智仁喺一個酒會碰面，唔知佢哋傾開乜嘢？影相時笑晒口，好開心咁喎。
同期入醫管局
話時話，佢哋差唔多同期入醫管局，PY喺舊年七月底退休，卸任行政總裁一職，而梁智仁亦係舊年年底退任醫管局主席。行政總裁已換上高拔陞，而范鴻齡亦喺舊年底上任醫管局主席嘞！
卸下咗醫管局嘅重責，梁智仁同梁栢賢今次重聚，唔知又有冇提起近排來勢洶洶嘅武漢肺炎同埋流感高峰期，政府同公立醫院嘅應對問題呢？