政情:公民講場:賴無廁所谷出怨氣 石禮謙齋噏當秘笈

立法會政府帳目委員會尋日就審計報告中有關食物環境衞生署規劃、設置同管理公共廁所嘅工作進行聆訊,作為帳委會主席嘅地產及建造界議員石禮謙(大舊石)就質疑署方興建公廁時因為有人反對就唔做,仲話「點解社會咁多怨氣,當佢哋有啲時候去唔到廁所都好大怨氣」喎。眾所周知,社會之所以有咁多怨氣同房屋、地產霸權等脫不了關係,其中住屋問題可以話係最嚴重問題之一。政府早前推一手樓空置稅,大舊石同一班既得利益者就反政府,所以話大舊石都係造成社會怨氣其中一人就真。依家佢話啲人去唔到廁所好大怨氣,真係噏得就噏。

第一手消息請下載on.cc東網iPhone/iPad/Android/Windows Phone Apps