政情：公民講場：下屬加薪陷膠着 羅智光四面楚歌

立法會財務委員會最近審議公務員加薪嘅撥款，其實政府早喺上個立法年度已經提出申請撥款，但因為泛民主派議員拉布同玩嘢，至今都仲未通過撥款，依家泛民仲話要將警隊加薪從有關項目中剔除，甚至因提出傳召相關官員而要討論點樣處理，議程陷於膠着狀態，呢鋪真係玩殘公務員事務局局長羅智光。羅尋日都話，好多公務員團體早已發聲，要求盡快處理，希望議員唔好再拖延。依家財委會仲商討緊傳召官員嘅方案，真係唔知幾時先通過到撥款喇。