中環出更：唯恐天下不亂 漢奸黎又攪局
社會動盪不安，被內地官媒炮轟為「叛國禍港四人幫」之首嘅壹傳媒黎智英（漢奸黎）就頻頻攪局，唯恐天下不亂。話說漢奸黎前晚（12日）先與同被內地官媒批評為「叛國禍港四人幫」嘅民主黨（白鴿黨）創黨主席李柱銘（李漢奸），喺寓所密會多名外籍人士，尋晚（13日）兩人竟然又再攪局，今次輪到因違法佔領行動（佔中）案而被判囚八個月、緩刑兩年嘅白鴿黨前主席李永達等多名白鴿黨成員，以及將漢奸黎部分捐款「袋住先」九個月嘅工黨前立法會議員李卓人。
李漢奸AV仁李永達等出席
尋晚大約六時三十分，李漢奸、李永達、白鴿黨前立法會議員「AV仁」何俊仁、該黨立法會議員林卓廷以及李卓人，齊齊坐漢奸黎司機駕駛嘅七人車到達漢奸黎嘅何文田寓所。坐車頭嘅李永達木無表情，AV仁就同李漢奸坐車廂中間，後排就有林卓廷同李卓人，五人抵達後就匆匆步入寓所喇。
前晚已與多名外籍人士密會
眾人喺黎宅逗留近三小時，至晚上九時許散席，再乘漢奸黎司機駕駛嘅七人車離開。李卓人、林卓廷同李永達喺七人車抵達旺角警署後就落車自行離開，而李漢奸同AV仁就繼續乘七人車過海到港島區。其實漢奸黎前晚先至喺寓所攪局，同其左右手Mark Simon、李漢奸及多名外籍人士密會，點知尋日「黑色星期五」又再次攪局，唔知又密謀乜大計去搞亂香港！
卓妮