政情：公民講場：裁員及結業潮打到嚟 邱騰華羅致光冇晒計

反修例嘅激烈衝突持續半年，有零售業話裁員潮同結業潮會出現，估計將有逾五千名從業員被打爛飯碗，七千間店舖倒閉。雖然政府先後推出四輪紓困措施，依家立法會先審議緊第一輪，即係話全部未到位，可以想像倒閉潮同失業大軍唔止呢個數目，面對一地都係爛飯碗，唔通商務及經濟發展局局長邱騰華同勞工及福利局局長羅致光已經冇晒招？唔該佢哋戙高床板再諗吓計，點樣可以救市同打救班打工仔，否則必出亂子。