一個衰世，特別多漢奸。抗戰時期，漢奸特多；其實，早在抗戰之前，南京政府已出現許多「灰色人物」，高唱「不戰亡，戰亦亡」及「戰必大敗，和未必大亂」，被稱為「低調俱樂部」。主要人物有梅思平、陶希聖、高宗武等，後來皆「落水」抗敵。
呢！香港明顯步入衰世，老嫩漢奸傾巢而出！人無恥則無敵，做得漢奸嘅，好似「叛國禍港四人幫」之首嘅漢奸黎，出賣靈魂，鐵咗心做美國嘅忠犬，不惜做當代吳三桂，引美爹「入港」，企圖挾持「一國」；當知道特朗普大筆一揮，日前正式簽署《香港人權與民主法案》呢條制港惡法，毒果報連日為之鼓與呼！
嘞！漢奸定有人才出，家陣漢奸黎應不愁寂寞，佢有嫩漢奸黃之鋒接棒矣！呢條小粉腸既然有份爭取呢條制港惡法，連日來喜氣洋洋奔走相告，「小吳三桂」話喎，未來會積極收集各界意見，建議制裁名單，包括濫權警員、選舉主任或官員云云。嫩漢奸依家顧盼自豪，大有與大漢奸黎智英爭奪「天下漢奸終極盟主」之勢，指特朗普簽署嘅惡法屬參議院版本，制裁名單未涵蓋家人部分，故會繼續游說美方「加辣」！
一個衰世，做漢奸都特別明目張膽。呢條惡法，雖然姿勢甚於實際，特朗普簽署之前，大家都睇到佢「諱忌而不敢語，語焉而不敢詳」，一時含糊其詞話支持香港，一時又話與習主席站在一起！更要認屎認屁，表示全靠佢游說習主席勿出兵，否則香港會在十四分鐘內被摧毀。
事實是一眾漢奸和反對派唔高興內地「干預」香港嘅內部事務，但卻乞求美國干涉香港內政，仲要聲稱有十萬人集會揮動星條旗感恩美國！香港究竟是誰家之天下？一個衰世，竟然群魔亂舞到咁嘅地步！回歸後嘅香港何以無治有亂？中央睇怕要擔當天師角色，不用霹靂手段斬魔除奸，香港喪無日矣！