喺過去一段時間嘅示威衝突，汽油彈滿天飛，而呢啲汽油彈都係用玻璃樽製造嘅，環保署尋日就話近日社會暴力違法事件不斷升級，基於社會大眾同玻璃管理承辦商前線員工安全嘅考慮，政府決定暫時停止廢玻璃容器回收服務，仲會收番玻璃樽回收桶。話時話，冇咗回收桶，係咪就會冇晒玻璃樽呢？有部分咪掉喺街邊或者垃圾桶，可以話隨手都執到，咁係咪要收埋街邊嘅垃圾桶呢？咁係咪可以減少衝突呢？
