政情：大樓再受重創 鄉議局憤慨痛心

籲鄉民理性 勿以暴易暴

大樓多個地方喺上月初遭受破壞，搞到要用圍板將損壞地方封起等待維修，據聞當時已經需要幾十萬元維修費。而尋日嘅鄉議局執委會上，又披露上星期大樓再遭人闖入，令到大樓有財物被毀，包括正門兩邊樓梯玻璃窗、停車場更亭上嘅反光鏡、五個監控鏡頭、圍板等。鄉議局已就大樓再受破壞報警處理，未來會聯絡保險公司跟進索償，亦會聯絡承辦商跟進維修喇。

對於大樓兩度被破壞，鄉議局就話感到憤慨同痛心，仲話近一個星期見到社會暴力行為升級，強調新界人唔會袖手旁觀，但就呼籲廿七鄉鄉民要保持理性同克制，唔好以暴易暴喎。