綠色先鋒：退休素學

「艾草適合整茶果，或者整洗頭水……」早已踏入知命之年的學員，對校園內的幾幅小農田，依舊嘖嘖稱奇，他們一邊清除雜草，一邊雀躍地分享種植心得。落田耕種除了認識泥土結構、辨別時令蔬果，更利用素食材料烹煮午餐，實踐全素飲食，減少碳排放。

落農田體驗 學煮另類素菜

午飯時間，家政課室的香氣撲鼻而來。空氣中瀰漫南乳香濃的味道，導師Amy將一盤麵筋落鑊，素東坡肉即大功告成，加上黃金苦瓜環、普羅旺斯雜菜煲等菜式，一洗素食單調沉悶的印象。

一洗單調沉悶的印象，素食菜式可謂色香味俱全。	第三齡人士重回校園，雀躍地參與課堂討論，分享環保心得。	幾幅小農田種植了蘿蔔、甘筍等農作物。

不少有吞嚥困難的長者都要食「流質餐」，Amy注意到流質餐一般不太受歡迎，故特別設計新菜式，「食流質餐、碎餐、糊餐，一聽就聯想到安老院、醫院食物，比較負面，其實小朋友都係食碎餐、糊餐，但佢哋食得好開心。」

不少學員們是照顧者，他們烹調時互相交流意見，期望煮出適合自己及家人的口味。

減少外出進食 善用農作物

「食肉食少咗，素食有好多變化，無論係煮食方法定食材，例如用堅果整醬汁。」學員Vikie表示，「返學後」已減少外出進食，多於家中煮食，更指親友受其影響開始食素。吃得津津有味過後，他們一個接一個捧着碗筷走出課室，原來房門外放了三個水盆，加入苦茶粉以去油漬，避免使用對海洋及人體皮膚不利的化學清潔劑。

鼓勵重新學習 改生活習慣

「第三齡人士所屬嘅年齡層，大部分喺屋企負責煮食，畀佢哋認識個人責任，例如買食材或煮食，可以點樣實踐環保。」

「第三齡義工隊1.5」以五十五歲或以上人士為目標，生活書院總監Eno指，不少人退休後減少學習機會，希望藉活動鼓勵退休人士再度發揮所長，學習人類對地球的影響，並改變他們的生活習慣。

圖：吳啟偉

文：江潮楓