中環出更：立會設午休小休 泛民又有猜忌

立法會秘書處前日出文件，通知尋日同今日嘅立法會會議都會設午膳同小休，而秘書處當時就指，因為內務委員會仲未選出正、副主席，全程會議需要由立法會主席梁君彥一人主持。呢個安排並非常見，所以有議員開會先知有呢個特別安排。

梁君彥直踩冇得抖

梁君彥尋日一直踩到尾，有泛民質疑佢咁辛苦直踩，再罕見地設休息時間，只為阻止會議改由最資深議員暫時主持嘅局面喎。

現時議會中最資深議員就係涂謹申，佢曾經喺主持審議《逃犯條例》修訂時，竟然出現咗開兩次會共四小時都未選出主席，以及會議「鬧雙胞」嘅畫面，所以唔想將個會議交去佢手上，咁的確有呢個可能性喎。然而睇番《內務守則》，如果立法會主席同代理主席事前已知未能主持時，應按程序選舉一名議員任主持，似乎泛民呢個猜測唔成立喇！

卓妮