政情：今日你上鏡：鄭重科扒龍舟慶入「五」

要慶祝生日，唔同人有唔同嘅方法，好似菁英會副主席鄭重科，近日就用咗一個特別嘅方法去慶入「五」嘅生日。即係點慶祝五十歲生日？咪就係佢最鍾意嘅扒龍舟囉！話說佢尋日喺Facebook上載咗幾張相同貼文，話同香港鹽步龍舟體育會一眾成員去咗鹿兒島南大隅町參加龍舟比賽，一班隊員仲送上蛋糕同佢慶祝生日，仲同班男隊員一齊扮嘢影相，個個都孔武有力o架！佢仲貼文話多謝大家送上祝福，又話今次特別嘅慶生覺得開心添！