少年毛澤東有首詩送畀赴日留學嘅羅章龍：「滄海橫流安足慮，世事紛紜從君理。管卻自家身與心，胸中日月常新美。」功夫茶諗起呢首詩，皆因近排世事紛紜，香港局勢亂過亂葬崗，想話追貼時事，掌握更多即時資訊，全方位洞悉世情，胸中日月常新美，唔使問阿貴都知，梗係「上東網，知天下」喇！
各位街坊，東方報業集團載譽屹立報壇半個世紀，靠的是輝煌歷史，老老實實發掘新聞，從不欺世盜名，更不會行己無恥為多銷幾張報紙而捏造新聞，讀者眼光雪亮，當然鼎力支持！為咗答謝讀者嘅厚愛，東方報業集團順應時下媒體發展趨勢，一步一腳印，勇於開拓，投放更多資源發展網站《on.cc東網》，經過多年來嘅努力不懈，發揚蹈厲，每日「上東網，知天下」的網民不斷壯大！
嗱，讀者嘅支持和激賞，就係鞭策東網做得更好嘅動力。呢呢呢，功夫茶懷着興奮嘅心情話畀各位讀者知：《on.cc東網》再次領同行之先，推出《東網新聞台》，本月二十五日星期三華麗登場！提供新聞、評論節目同埋即時直播資訊，緊貼時代潮流，與時並進，各位觀眾真係要一眼關七，唔好走寶啊！
阿哥，好嘢自然唔使雷婆搵龍王談心，即係打鑼企街咁天涯海角覓知音！《東網新聞台》強勢開台，隆重推出全新節目「東網正點新聞」，聚焦香港，放眼世界，以敏銳觸覺，宏觀眼光，由專業主播報道本港、兩岸及國際重點新聞，每節約十五分鐘，每小時更新一次，確保資訊最快最新！
各位街坊，好嘢你哋睇慣聽熟，睇開有癮，何況我哋東網仝人個個有料到，有啲講到七情上面，文史底蘊深厚，火都幾乎從口噴出來；有啲感時憂國，偶爾哀婉，時而溫厲，總之各有各嘅風格，唯一相同嘅係，我哋從不譁眾取寵，「只為蒼生說人話，不為君王唱讚歌」！登登登登，東網王牌評論節目「毓民特區」、「阿王辣爆」、「為民鎚害」同埋「發射台」，論盡時弊，一擊即中，大快人心！功夫茶每次睇完都身心舒暢，白飯都食多兩碗呀！
仲有啊，喺互聯網時代，電光火石之間，求嘅就係一個「快」字。呢，東網利用最新器材直播現場情況，讓全球讀者第一時間緊貼全球脈動。每當有大事發生，東網APP快人一步發出「推播通知」，一APP在手，天下我有，咁就唔驚「執輸行頭，慘過敗家」喇！
功夫茶再一次誠心誠意提醒大家：切記切記切記，準時收看《東網新聞台》，感受不一樣嘅亮麗全新節目，掌握天下大事！