話說香港郵政喺十月一日發行特別郵品，竟然打破慣例，發售當日全部郵局都唔開，集郵人士炮轟香港郵政措施擾民。話時話，朱曼鈴喺今個月九號調任香港郵政署長，以前佢做新聞處處長時頻頻甩轆，唔單止安排記者會不周，又試過發布政府新聞稿時刪減傳媒提問，惹嚟猛烈批評，點知佢轉咗位，櫈都未坐暖就搞埋啲咁嘅新猷，又撞晒板，睇嚟佢啲甩轆風氣傳埋過郵政嘞！
