政情:公民講場:西九文化區地陷淹浸 明日大嶼要起水上屋?

一向受到超支困擾嘅西九文化區,地盤最近爆出地陷,地下水湧出淹浸地盤,有關注團體就以「今日西九,明日大嶼」,質疑政府「明日大嶼」填海工程可唔可以做好,直斥計劃如倒錢落海,政府草菅人命咁。咁又係呀,西九文化區面積細咁多都搞到地陷,何況係成千公頃咁大嘅明日大嶼呢?隨時又係搞到地陷,都仲未計外界之前講過打風可能會巨浪毀島添,既然大嶼填海都係難免有水劫,唔知硬推大嶼嘅發展局局長黃偉綸,會唔會研究興建水上屋呢?

第一手消息請下載on.cc東網iPhone/iPad/Android/Windows Phone Apps