尋日有一個調查結果發現港人嘅睡眠時間未達到國際睡眠基金會所建議嘅睡眠時間，運動又不足兼且低鈉飲食又唔符合健康要求。雖則呢個調查冇講到係同工時長有關，但好多打工仔都感同身受，尤其係標準工時立法拖到冇晒影，勞工及福利局局長羅致光曾經講過最遲傍晚六點幾放工，返屋企食飯、睇吓電視，但全港嘅打工仔就繼續捱眼瞓，冇時間做運動，簡直係置打工仔嘅健康不顧呀！
