港人真悲哀！尋日有一項調查結果發現，市民置業負擔比率創新低，要買到市區一個三百呎單位，要「唔飲、唔食、唔使」十七年，認為目前嘅樓價貴到離譜，唔係一般人負擔得起。老實講，政府早幾年為咗壓低樓價，已經先後加辣招，但係樓價不跌反升，於是有聲音話要減辣，但財爺陳茂波（波叔）多次話冇減辣之意。咁點先？加辣又唔掂，減辣又話唔得，就因為波叔冇招，睇住市民捱苦，一係做無殼蝸牛，一係就做一世樓奴，簡直離晒大譜。
